Xankəndidə qapalı toplantı - separatçılar təxribatlara hazırlaşır 

Martın 17-də Xankəndidəki separatçıların qapalı toplantısı keçirilib.

“Ölkə.Az” “hraparak”a istinadən xəbər verir ki, “artsax”ın qondarma parlamentində “dövlət naziri” Qurgen Nersisyan, “daxili işlər naziri”, “təhlükəsizlik xidmətinin direktoru” Mexak Arzumanyan və digər separatçıların iştirakı ilə qapalı toplantı keçirilib. 

Toplantıda humanitar məsələlərlə yanaşı, sığınacaqların qaydaya salınmasının zəruriliyi  məsələsi də müzakirə olunub. Bu, bir daha göstərir ki, separatçılar bölgədə sülhün əldə olunmasına deyil, gərginliyin, eskalasiyanın yaranmasında maraqlıdır. Çünki “hraparak”  müzakirənin hansı səbəbdən keçirildiyini, eskalasiyanın gözlənilməsi ilə bağlı sorğusuna açıq cavab verməkdən yayınsalar da, dolayı yolla təxribata hazırlaşdıqlarını təsdiq ediblər. Bildirilib ki, "artsax"ın 30 ildir yaşadığı hərbi vəziyyət şəraitində sığınacaq problemi hər zaman diqqət mərkəzində olmalıdır".

Bu isə onu deməyə əsas verir ki, separatçılar sülhü pozmaq üçün ən müxtəlif təxribatlara əl atmağa hazırlaşır.

Mürtəza
Ölkə.Az