Fransadakı etiraz aksiyalarında 855 nəfər saxlanılıb

Fransa polisi son bir neçə gün ərzində Fransada pensiya yaşının artırılmasına qarşı keçirilən etiraz aksiyaları zamanı müxtəlif qanun pozuntularına görə 855 nəfəri saxlayıb. 

“Ölkə.Az” xəbər verir ki, bu barədə Fransanın daxili işlər naziri Cerald Darmanin BFM telekanalına deyib.

"Bu günə qədər bütün Fransada 855 nəfər saxlanılıb, onlardan 843-ü  barədə həbs qətimkan tədbiri seçilib", - Darmanin bildirib.

O, həmçinin qeyd edib ki, cümə axşamı Fransada pensiya yaşının artırılmasına qarşı kütləvi etirazlar gözlənilir. Daxili İşlər Nazirliyinin rəisi bu nümayişlər zamanı asayişi təmin etmək üçün 12 min polis və jandarm göndərilməsi barədə göstəriş verib. Nazir əlavə edib ki, Parisdə keçiriləcək aksiyalara 5000 hüquq-mühafizə orqanı əməkdaşı cəlb ediləcək. 

Fransada pensiya yaşını 62-dən 64-ə qaldıran pensiya islahatı layihəsi yanvarda təqdim edilib. Bu təşəbbüs bütün ölkədə nümayişlərə və tətillərə səbəb olub. Martın 16-da Fransa Nazirlər Kabinetinin rəhbəri konstitusiya səlahiyyətlərindən istifadə edərək qanun layihəsinin Milli Assambleyada səsvermə olmadan qəbul ediləcəyini bəyan edib. Bu qərar tez-tez polislə toqquşmalarla nəticələnən yeni nümayişlər dalğasına səbəb olub.

Mürtəza
Ölkə.Az