Şabranda 8, Füzulidə 3 otaqlı evdə yanğın olub

Şabran rayonunun Uzunboyad kəndində ümumi sahəsi 160 kvadratmetr olan, ikimərtəbəli, 8 otaqlı evin 2-ci mərtəbəsində 3 otağın və dam örtüyünün yanar konstruksiyaları 65 kvadratmetr sahədə yanıb.

Daha bir analoji hadisə Füzuli rayonunun Dilağarda kəndində qeydə alınıb. Belə ki, ümumi sahəsi 130 kvadratmetr  olan birmərtəbəli 3 otaqlı evin mətbəxinin yanar konstruksiyaları 15 kvadratmetr sahədə, 1 otağının tavanı və dam örtüyü 20 kvadratmetr sahədə yanıb.

Fövqəladə Hallar Nazirliyindən bildirilib ki, hər iki evin qalan hissələri yanğından mühafizə olunub. Yanğınlar yanğından mühafizə bölmələri tərəfindən söndürülüb.