Medvedev Ukraynanı nüvə silahı ilə hədələdi

Ukrayna Krımı işğaldan azad etməyə çalışarsa, o zaman Rusiya nüvə silahından istifadə edə bilər.

“Ölkə.Az” xəbər verir ki, belə bir fikri Rusiya Təhlükəsizlik Şurasının sədr müavini Dmitri Medvedev səsləndirib.

“Krımı geri almaq cəhdi ilə əlaqəli bəzi ciddi hücumlardan danışsaq və Rusiya dövlətçiliyi təhlükə qarşısında qalarsa, o zaman bütün müdafiə vasitələrindən, həmçinin Nüvə Qarşısının Alınması Doktrinasının Əsaslarında nəzərdə tutulmuş vasitələrdən istifadə üçün əsas yaradır”, – deyə Medvedev qeyd edib.

Onun sözlərinə görə, dövlətin bir hissəsini parçalamaq cəhdi Rusiyanın mövcudluğuna qəsd hesab olunacaq.

“Ona görə də özünüz nəticə çıxarın: burada istənilən silahdan istifadə etmək üçün tam əsaslar var. Ümid edirəm ki, okeanın o tayındakı “dostlarımız” bunu başa düşürlər”, - o vurğulayıb.

Mürtəza
Ölkə.Az