Yəməndə şiddətli yağışlar 9 min ailəni ac-susuz qoydu
Yəminin Marib şəhərində son 10 gündə güclü yağış və daşqınlardan 9000-dən çox köçkün ziyan görüb.
Ölkə.Az "star" qəzetinə istinadla xəbər verir ki, bu barədə Yəmən hökumətinin Köçkünlər Düşərgələri İdarəsinin dərc etdiyi hesabatda qeyd edilib.
Məlumata görə, 9120 ailədən 273-ü tamamilə, qalanlarının isə qismən daşqınlardan zərər görüb.
Köçkün Şəxslər Düşərgələri Departamenti zərərçəkmiş ailələrin sığınacaq və qida ehtiyaclarını ödəmək üçün BMT-yə çağırış edib.
Qeyd edək ki, Yəməndə İranın dəstəklədiyi husilər 2014-cü ilin sentyabrından paytaxt Səna və bəzi bölgələrə nəzarət edir.
Səudiyyə Ərəbistanının rəhbərlik etdiyi koalisiya qüvvələri 2015-ci ilin mart ayından husilərə qarşı Yəmən hökumətinə dəstək verir.
BMT-nin Qaçqınlar üzrə Ali Komissarlığının hesabatlarına görə, Yəmən xalqının 73 faizi (təxminən 23,4 milyon) vətəndaş müharibəsi səbəbilə humanitar yardıma ehtiyac duyur; 4,3 milyon insan da didərgin düşüb.
Vətəndaş müharibəsinə görə, Maribdə 2 milyondan çox köçkün çətin şəraitdə yaşayır.
Billurə