Daha bir ölkə illər sonra Suriya ilə münasibətləri normallaşdırır

Daha bir ölkə Suriya ilə münasibətləri normallaşdırmağa qərar verib.

Ölkə.Az xarici KİV-ə istinadən xəbər verir ki, ötən həftələrdə Çinin vasitəçiliyi ilə Səudiyyə Ərəbistanı ilə İran arasında diplomatik əlaqələrin bərpası qərarından sonra Ər-Riyad Suriya ilə normallaşma üçün addım atmağa hazırlaşır.

Bu barədə Səudiyyə Ərəbistanı mətbuatı bu ölkənin xarici işlər nazirliyinə istinadən yazıb.

Qeyd olunur ki, iki ölkə diplomatik münasibətlərdə 10 illik fasilədən sonra qarşılıqlı konsulluq xidmətlərinin bərpası üçün danışıqlara başlayıb.

Konsulluqların bir ay ərzində açılmasının planlaşdırıldığı bildirilir.

Bu, 2011-ci ildə Suriyada başlayan vətəndaş müharibəsindən bəri ərəb dövlətlərinin üz çevirdiyi Suriya Prezidenti Bəşər Əsədlə buzların əridilməsinin əlaməti kimi qiymətləndirilir. 

ABŞ Suriyada müxaliflərə qarşı hər hansı bir inkişafın olmadığını əsas gətirərək, bölgə ölkələrinin Əsədlə münasibətləri normallaşdırmaq üçün atdığı addımlara qarşı çıxsır.

Bundan əlavə, Türkiyə ilə Suriya arasında normallaşma prosesi gedir.

Billurə