Finlandiya NATO-ya İsveçdən əvvəl daxil olacaq

NATO-ya ilk Finlandiya daxil olacaq.

"Ölkə.az" xəbər verir ki, bunu İsveçin Baş naziri Ulf Kristersson deyib.

"İndi hər şey Finlandiyanın İsveçdən əvvəl NATO-ya üzv olacağına işarə edir. Finlandiyanın NATO-ya daxil olması İsveçin özü üçün müsbət haldır. Çünki bu zaman biz NATO ölkələri ilə əhatə olunacağıq", - Kristersson bildirib.

Qeyd edək ki, Finlandiya və İsveç eyni vaxtda NATO üzvlüyü üçün müraciət edib. Türkiyə isə hələlik yalnız öhdəliklərini yerinə yetirən Finlandiyaya razılıq verəcəyini bildirib.