ABŞ Suriya qərarını açıqladı: “Orada qalacağıq”

Suriyada mindən az ABŞ əsgəri olsa da, onlar orada qalacaq. 

“Ölkə.Az” xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi CBS telekanalına müsahibəsində deyib.

Onun sözlərinə görə, Prezident Bayden ABŞ qoşunlarını Suriyada saxlamaqda qətiyyətli mövqeyə malikdir.

ABŞ-nin Suriyadakı hərbi obyektlərinə edilən hücumlara gəldikdə Kirbi deyib ki, buna çevik və cəsarətli reaksiya verilib: “Bu, silahlı qrupların ciddi hücumu idi. Prezident bununla bağlı ciddi, çevik və cəsarətlə cavab verdi”.

Kirbi Bayden lazım bildiyi təqdirdə, İranın dəstəklədiyi qruplara əlavə cavab veriləcəyini istina etməyib. “Biz göstərdik ki, Birləşmiş Ştatlar həmişə xalqımızı qorumaq üçün qətiyyətlə hərəkət edəcək”.

Kirbi onu da əlavə edib ki, bu mesaj ünvana “yüksək və aydın şəkildə” çatdırılıb.

Qeyd edək ki, ötən həftə Suriyanın Deyr əz əyalətində İranın dəstəklədiyi əcnəbi silahlı qrupların yerləşdiyi bölgələrdən ABŞ qüvvələrinin yerləşdiyi Ömər neft və Kuniko qaz yataqlarına raket zərbələri endirilib. 

Mürtəza
Ölkə.Az