Patruşev: Rusiya ilə bağlı əsas hədəfi budur

Qərbin əsas hədəfi Rusiyanın Ukraynada məğlubiyyətini təmin edib, daha sonra onu parçalamaqdır.

“Ölkə.Az” xəbər verir ki, bunu Rusiya Federasiyası Təhlükəsizlik Şurasının katibi Nikolay Patruşev "Rossiyskaya qazeta”ya müsahibəsində deyib.

Patruşevin sözlərinə görə, əslində, NATO ölkələri münaqişənin tərəfidir.

“Onlar Ukraynadan böyük bir hərbi düşərgə yaradıblar. Onlar Ukrayna qoşunlarına silah və sursat göndərir, onları kəşfiyyat məlumatları ilə, o cümlədən peyklər və xeyli sayda pilotsuz uçuş aparatlarının köməyi ilə təmin edirlər. NATO təlimatçıları və məsləhətçiləri hərbi təlim keçirirlər. Ukrayna hərbçiləri və muzdluları neonasist batalyonlarının tərkibində döyüşür”, - Patruşev bildirib.

O həmçinin deyib ki, Qərbin Ukraynadakı əsas hədəfi hərbi qarşıdurmanı mümkün qədər uzatmaqla döyüş meydanında Rusiyanı məğlubiyyətə uğratmaq, onun daha da parçalanmasına nail olmaqdır: “Və bu niyyətlərini də gizlətmirlər”.

Mürtəza
Ölkə.Az