Rusiya hətta ABŞ-ni məhv edə bilər, axmaqlar… – Patruşev əmindir

Rusiya istənilən rəqibi, o cümlədən ABŞ-ni məhv edə biləcək unikal müasir silahlara malikdir. 

“Ölkə.Az” xəbər verir ki, bunu “Rossiyskaya qazeta”ya müsahibəsində Rusiya Federasiyası Təhlükəsizlik Şurasının katibi Nikolay Patruşev deyib.

“Rusiya səbirlidir və hərbi üstünlükləri ilə heç kimi qorxutmur. Amma o, ölkəmizin mövcudluğuna təhlükə yaranarsa, istənilən rəqibi, o cümlədən ABŞ-ni məhv edə biləcək unikal müasir silahlara malikdir”, - deyə o bildirib.

Patruşev amerikalı siyasətçilərin Rusiyanın ABŞ-nin qabaqlayıcı nüvə zərbəsinə artıq cavab verə bilməyəcəyi ilə bağlı fikirlərini “axmaqlıq” adlandırıb.

“Nədənsə, öz təbliğatının əsiri olan amerikalı siyasətçilər əmindirlər ki, Rusiya ilə birbaşa münaqişə yaranarsa, ABŞ qabaqlayıcı raket zərbəsi endirməyə qadirdir və bundan sonra Rusiya cavab verə bilməyəcək. Bu, çox təhlükəlidir”, - Patruşev bildirib.

Onun sözlərinə görə, “tarixin dərslərini unudaraq, Qərbdə bəziləri artıq Rusiya üzərində hərbi qələbəyə səbəb olacaq revanşdan danışırlar”.

Mürtəza
Ölkə.Az