Amerikalı generaldan Ukrayna ilə bağlı bədbin proqnoz

ABŞ-ın Birləşmiş Qərargah Rəsiləri Komitəsinin sədri, general Mark Milley  Ukraynada gedən müharibə ilə bağlı pessimist pronozla çıxış edib. O deyib ki, Ukrayna ordusu 2023-cü ildə bütün rus qoşunlarını öz ərazisindən çıxarması mümkün deyil.

“Ölkə.Az” xəbər verir ki, bunu amerikalı general Milley  “Defence One” nəşrinə müsahibəsində deyib.

“Mən düşünmürəm ki, bu, yaxın gələcəkdə və ya bu il baş tutacaq”, - Milley deyib.
O, qarşıdakı əks-hücum əməliyyatları zamanı rus qoşunlarını Ukrayna torpaqlarından çıxarmaq niyyətini “çox çətin hərbi tapşırıq” adlandırıb.

“Mən demirəm ki, bunu etmək qeyri-mümkündür. Sadəcə deyirəm ki, bu, çox çətin işdir. Amma bu, onların məqsədidir. Onların, əlbəttə ki, bunu etmək hüququ var, bu, onların ölkəsidir”-Milley qeyd edib. 

Milley onu da əlavə edib ki, əgər Rusiya indiyədək strateji və əməliyyat baxımından uğursuzluğa uğramışdısa, artıq  onlar taktiki cəhətdən də uğursuzluğa düçar olurlar.

Mürtəza
Ölkə.Az