\"TikTok\"dakı pişik videolarına görə, Ukraynadakı tələb qarşılanmır - Nammo

Avropanın ən böyük sursat istehsalçılarından olan Norveçin “Nammo” şirkəti Ukraynadakı müharibəyə görə, artan tələbi qarşılaya bilmədiklərini açıqlayıb.

Ölkə.Az xəbər verir ki, şirkət səbəb kimi "TikTok"un bütün ehtiyat enerjidən istifadə etməsini göstərib.

Qeyd edilib ki,“TikTok”un Raufoss qəsəbəsində qurduğu məlumat toplama mərkəzinin ehtiyat enerjini istifadə etməsinə görə istehsal yavaşlayıb.

Sözügedən mərkəz paytaxt Osloda yerləşir.

“Nammo”nun CEO-su Mortten Brantzayeq “Financial Times”a açıqlamasında bildirib ki, səbəb “TikTok”dakı pişik videolarıdır:

“Narahatıq, çünki pişik videolarının saxlanmasının gələcəkdəki inkişafımızı çətinləşdirdiyini görürük”,- deyə o söyləyib.

Şirkət “TikTok”un məlumat mərkəzinin daşınmasını və ya bölgəyə əlavə elektrik stansiyası inşa edilməsini tələb edir.

Qeyd edək ki, texnologiya və sosial media şirkətləri müştərilərin şəkillərini, videolarını və bulud əsaslı digər məlumatlarını saxlayan serverləri gücləndirmək üçün böyük miqdarda enerji sərf edirlər. Avropa Komissiyasının hesablamalarına görə, məlumat mərkəzləri 2030-cu ilə qədər elektrik enerjisinə tələbatın 3,2 faizini təşkil edəcək.

Billurə Yunus