Obama Merkeli təriflədi
Obama və Merkel telefonla Ukraynada münaqişənin eskalasiyasını müzakirə ediblər
Ölkə.Az xəbər verir ki, ABŞ prezidenti Barak Obama və Almaniya kansleri Angela Merkel telefon danışığı zamanı Ukraynanın şərqində zorakılığın eskalasiyasını müzakirə ediblər.
Ağ Evin məlumatında deyilir ki, Obama Ukraynanın öhdəliklərin yerinə yetirilməsində inkişafa nail olduğunu və Rusiyanın da eyni cür hərətkət edə bildiyini deyib.
Bundan əlavə, Obama Merkeli Avropada miqrasiya böhranının həlli işinə görə tərifləyib. O, suriyalı qaçqınlara sığınacağın verilməsini müsbət dəyərləndirib.
Xatırladaq ki, Almaniya kansleri Angela Merkel Haydenauda qaçqınlar düşərgəsində səfərdə olarkən fitə basılmışdı.
Bir müddət öncə Merkel İtaliya və Yunanıstanda qaçqınların qeydiyyat mərkəzlərinin yaradılması üçün çıxış edib. Almaniya daxili işlər naziri Tomas De Mezyer miqrantlara qarşı nifrətin artmasından naraha olduğunu ifadə edib.
Bu ilin son 7 ayında Almaniyada qaçqın statusu almaq istəyənlərin sayı 219 min təşkil edib. Bu isə ötən illə müqayisədə 125% çoxdur.
Almaniya kansleri Angela Merkel 2017-ci ildən sonra da vəzifəsini qorumaqla bağlı qərar qəbul etmişdi.
Rəşid Mustafazadə
Ölkə.Az
