Öldürülən jurnalistin atası prezidentə müraciət etdi: \"Cənab Prezident, siz bunu etməlisiniz\"
"Çox xahiş edirəm, bunu edin".
Ölkə.Az xəbər verir ki, "WDBJ7" kanalının canlı efirində güllələnən 24 yaşlı jurnalist Elison Parkerin atası Obamanı silahın satışı və ona sahib olmaqla bağlı qanunları sərtləşdirməyə çağırıb.
Endi Parkerin sözlərinə görə, hökumət qanunlara yenidən baxmalı və psixi çatışmazlıqları olan insanların əlinə silahın düşməməsi üçün mövcud boşluqları aradan qaldırmalıdır.
"Cənab prezident, siz bunu etməlisiniz. Çox xahiş edirəm, bunu edin. Bunu bizim və başqaları üçün edin ki, onlar da Adam və Elisonlarını itirməsinlər", - deyə jurnalistin atası bəyan edib.
Xatırladaq ki, avqustun 26-da ABŞ-ın Virciniya ştatında canlı yayım zamanı WDBJ7 telekanalının reportyoru Alison Parker və fotoqraf Adam Vard keçmiş həmkarı Brays Uilyams tərəfindən güllələnib. Bundan sonra B.Uilyamsın intihar etdiyi barədə məlumat yayılmışdı.
ABŞ-ın Virciniya ştatında canlı yayım zamanı 2 jurnalisti öldürən 41 yaşlı Brays Uilyams kimi tanınan Vester Flenaqan intihara cəhd etsə də, sağ qalmışdı.
Sonradan Vester Flenaqanın xəstəxanada vəfat etdiyi bildirilmişdi.
Onu da əlavə edək ki, insidenti şərh edən Ağ Evin mətbuat katibi Coş Ernest deyib ki, odlu silahdan istifadə ilə cinayətlər ABŞ-da adi hal alıb. O həmçinin, Konqresdə bu kimi cinayətlərin qarşını almaq üçün qanun layihələrinin olmadığını vurğulamışdı.
Rəşid Mustafazadə
Ölkə.Az
