Slovakiyada qanunsuz miqrantlar saxlanıldı

Roma Papası miqrantlara qarşı törədilən cinayətləri bəşəriyyət ailəsinə qarşı təhqir adlandırıb

Ölkə.Az "Novycas"a istinadla xəbər verir ki, Slovakiya polisi respublikanın müxtəlif hissələrində 66 qanunsuz miqrantın olduğu iki avtomobili saxlayıblar.

Saxlanılan avtomobillərdə polyak və macar nömrə nişanları olub. Ölkənin cənubunda içində 37 Suriya və 1 Liviya vətəndaşı olan "Mercedes Sprinter" avtomobili saxlanılıb. Avtomobili idarə edən iki şəxs Macarıstan vətəndaşları olublar.

Bir müddət öncə Roma Papası miqrantlara qarşı törədilən cinayətləri bəşəriyyət ailəsinə qarşı təhqir adlandırıb.

Xatırladaq ki, ötən həftə Avstriyada 70-ə yaxın qeyri-qanuni miqrantların meyiti olan yük maşını aşkar edilmişdi. Avtomobillə mühacirlər ölkəyə gətirilirib və onlarla mühacir avtomobilin qoşqusunda boğularaq ölmüşdülər. Onlar Avstriya ilə Macarıstanı birləşdirən avtomobil yolunda tapılıblar.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az