Davudoğlu Azərbaycan-Ermənistan cəbhə xəttində baş verənlərə münasibət bildirdi

Davudoğlu Azərbaycan sərhədləri ilə bağlı məsələyə toxunub.

Ölkə.Az xəbər verir ki, Türkiyənin baş naziri Əhməd Davudoğlu 30 avqust Zəfər Bayramı münasibətilə jurnalistlərin suallarını cavablandırarkən Azərbaycan sərhədləri ilə bağlı məsələyə toxunub.

O bildirib ki, Azərbaycanın sərhədlərində heç bir sıxıntı ola bilməz.

"Can Azərbaycana salamlar olsun. Türkiyə burada var ikən Azərbaycan sərhədlərində heç bir sıxıntı ola bilməz. Bir yerdəyik, hər zaman da bir yerdə olacağıq. 30 Avqust Zəfər Bayramı Azərbaycanın da bayramıdır. Azərbaycanın da bayramı bizim bayramımızdır", - deyə nazir bəyan edib.

Xatırladaq ki, dünən Türkiyənin milli bayramlarından biri, 30 avqust - Zəfər Bayramı qeyd olunub.

Bu bayram Türkiyə tarixinə Birinci Dünya müharibəsindən məğlub çıxan Osmanlı dövlətini işğalçı ölkələr arasında paylaşdırılması planlarının qarşısının alınması ilə əlamətdardır. O zaman böyük sərkərdə və dövlət xadimi Mustafa Kamal Atatürkün başçılıq etdiyi vətənpərvər qüvvələr bugünkü Türkiyə Cümhuriyyətini qurublar.

Rəşid Mustafazadə

Ölkə.Az