ABŞ Çinə qarşı görünməmiş sanksiyalar hazırlayır

Sanksiyalar kiberhücumlarla bağlıdır

Ölkə.Az "Washington Post" qəzetinə istinadla xəbər verir ki, ABŞ prezidenti Barak Obamanın administrasiyası amerika təşkilatlarının məlumatlarına qarşı həyata keçirilmiş kiberhücumlarla əlaqəsi olan çin şirkətlərinə qarşı iqtisadi sanksiyaların hazırlanmasına başlayıb.

Müvafiq görünməmiş paket kiberhücumlardan gəlir əldə edən şəxs və şirkətlərə qarşı tətbiq ediləcək. Qeyd olunur ki, məsələ ilə bağlı hələlik qərar qəbul edilməyib, lakin final zəngi iki həftə ərzində gözlənilir.

Xatırladaq ki, Çinin Xarici İşlər Nazirliyinin sözçüsü Hong Lei Çinin ən çox kiber hücumlara məruz qalan ölkə olduğunu bəyan etmişdi.

O, Çinə edilən kiber hücumların ən çox Amerikadan reallaşdığını və Amerikanı Çini ittiham etməməyə çağırmışdı.

Bir müddət öncə isə ABŞ Milli Təhlükəsizlik Agentliyinin direktoru Maykl Rocers açıqlamasında Çin hakerlərinin ölkənin informasiya strukturlarına hücum edə biləcəyini və onları sıradan çıxara biləcəklərini bildirmişdi.

Rəşid Mustafazadə

Ölkə.Az