\"Boko Haram\"dan dəhşətli qətl

Nigeriyada növbəti qətllər baş verdi

Ölkə.Az "Associated Press" informasiya agentliyinə istinadən xəbər verir ki, Nigeriyada "Boko Haram" terror qruplaşmasının yaraqlıları şimal-şərqdə Borno ştatında 56 kənd sakininin qətlə yetiriblər.

Bu barədə məlumat yerli hökumət dairələrindən verilib. Terrorçular ötən il yerli məktəbdən qaçırılmış 219 qızın valideynləri ilə görüşdə kəndlilərə hücum ediblər. Öldürülənlərin meyitləri küçənin ortasında qalıb.

Bu ilin mart ayından etibarən "Boko Haram"çılar 1000-dən çox adamı qətlə yetiriblər. Ümumillikdə isə 6 il ərzində 20 mindən çox dinc sakini öldürüblər.

Qeyd edək ki, Boko Haram ( Camaat’u Əhlus-Sünnə lid-Da’va vəl Cihad) Nigeriyanın radikal islam sektasıdır. O, 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az