Meymunlar orduda xidmət edəcək

Çin ordusu İkinci Dünya Müharibəsinin bitməsinin 70 illiyi münasibətilə keçiriləcək tədbirlərdə potensial hava faciələrinin qarşısının alınması işlərinə meymunları cəlb edəcək.

Ölkə.Az "The Independent"ə istinadən xəbər verir ki, meymunlar 3 sentyabrda keçiriləcək hava paradı zamanı Pekin küçələrindən quşları qovacaqlar.

Təşəbbüsün müəllifi ümid edir ki, bu, quşların təyyarə turbinlərinə düşməsinin və faciələrin qarşısını alacaq. Bildirilir ki, bayram günlərində yerli əhalinin səmaya göyərçinləri buraxması qadağandır.

Qeyd edək ki, tədbirlərdə 20 dövlətin iştirakı planlaşdırılır.

Ölkə.Az