ABŞ-dan Rusiyaya qarşı növbəti sanksiyalar

2 il ərzində qüvvədə qalacaq

Ölkə.Az xəbər verir ki, ABŞ hökuməti İran, KXDR və Suriyaya münasibətdə amerika qanunlarına qarşı fəaliyyətdə şübhəli bilinən bir sıra Rusiya şirkətlərinə qarşı sanksiyalar tətbiq etməyi qərara alıb.

"Federal Register"dakı siyahıda Rusiya şirkətlərindən başqa İran, Çin, BƏƏ, Suriya, Sudan və Türkiyədən olan şirkətlər də yer alıb.

ABŞ Dövlət Departamenti adından yerləşdirilən bildirişdə qeyd olunub ki, gələcəkdə ABŞ hökumətinin qurum və nazirliklərinə sanksiya siyahısından olan şirkətlərlə müqavilə bağlamaq qadağan ediləcək.

Müvafiq tədbirlər 2 il ərzində qüvvədə qalacaq.

Rəşid Mustafazadə

Ölkə.Az