Nazarbayevin kəlamları pasportlara yazılacaq

"Mengilik Yel" ideyasını yaşatmaq üçün

Ölkə.Az "Tengrinews"a istinadən xəbər verir ki, Qazaxıstanda hazırlanmış yeni qanun layihəsinə əsasən, ölkə prezidenti Nursultan Nazarbayevin kəlamları vətəndaşların pasportlarına yazılacaq.

Qanunverici təşəbbüsün məqsədi həyatda ümumilli "Mengilik Yel" ("Əbədi xalq") vətənpərvərlik ideyası dəyərlərinin daxil edilməsidir. Respublika parlamentinin deputatı Rəhmət Mukaşev bildirib ki, vətəndaş şəxsiyyət vəsiqəsini alarkən müstəqillik haqqında millət liderinin sözlərini ifadə edərək and içəcək.

Nursultan Nazarbayev 6 iyul 1940 tarixində Qazaxıstanda doğulub. O, 24 aprel 1990-cı ildə Qazaxıstan Respublikasının Ali Soveti tərəfindən Qazaxıstan Respublikasının Prezidenti seçilib. 1 dekabr 1991-ci ildə ümumxalq seçkiləri nəticəsində Qazaxıstan Respublikasının Prezidenti seçilib. 29 aprel 1995-ci ildə ümumxalq referendumu nəticəsində prezident səlahiyyətləri uzadılıb. 10 yanvar 1999-cu ildə seçkilərdə 81,71% səs toplayaraq yenidən prezident seçilib. 4 dekabr 2005-ci ildə seçkilərdə 91.15% səs toplayaraq təkrar prezident olub.

Bu il Mərkəzi Seçki Komissiyası Nursultan Nazarbayevin növbədənkənar seçkilərdə 97,7% səs toplayaraq yenidən dövlət başçısı seçildiyini elan edib.

Evlidir, üç qızı var. Tennis və xalq musiqisinə maraq göstərir.

Rəşid Mustafazadə

Ölkə.Az