İmza atmaq vaxtı gələndə məlum oldu ki... - Paşinyan

Danışıqlarda müzakirə olunan məsələlər bir-birinə bağlıdır‌. Düşünürəm ki, məsələlərdən birinin həllini tapsaq, zəncirvari reaksiya başlayacaq.

Ölkə.Az xəbər verir ki, bunu Ermənistanın baş naziri Nikol Paşinyanın Moldovanın erməni icması ilə görüşündə deyib.

"Bəzən elə olur ki, hansısa məsələni həll etməyə çox yaxınıq. Məsələn, regional kommunikasiyaların blokdan çıxarılması. Brüsseldə biz xüsusi olaraq Yeraşdan Horadizə dəmir yolu açmağa razılaşdıq, amma imza atmaq vaxtı gələndə məlum oldu ki, nüanslar var, ya kimsə səhv başa düşüb və s.", - o bildirib.

Onun sözlərinə görə, hər şey çox sürüşkəndir: "İndi mən bu otağı tərk edə bilərəm və birdən bildim ki, bütün razılaşmaların yeniləndiyi barədə bəyanat var. Ona görə də nikbinliyin olmadığını demək düzgün olmazdı. Amma bədbinliyin olmadığını demək də yanlışdır".