Əks hücuma hazırıq – Zelenski

Ukrayna əks hücum əməliyyatına hazırdır və biz artıq aylarla gözləyə bilmərik.

“Ölkə.Az” xəbər verir ki, Ukrayna Prezidenti Volodimir Zelenski bunu “The Wall Street Journal” a müsahibəsində deyib.

Onun sözlərinə görə, Ukrayna əks-hücum üçün bəzi əlavə resurslara sahib olmaq istəsə də, aylarla gözləyə bilməz. 

“Bunun nə qədər vaxt aparacağını və hansı qiymətə başa gələcəyini dəqiq bilmirəm”, - o qeyd edib.

Zelenski həmçinin bildirib ki, Rusiyanın havada üstünlüyü var və düşmən təyyarələrindən müdafiənin olmaması, əks-hücum zamanı çoxlu əsgərin ölə biləcəyi anlamına gəlir.

O bildirib ki, Ukraynanın həm mülki əhalisini, həm də cəbhə xəttində əsgərləri qorumaq üçün əlavə “Patriot” komplekslərinə ehtiyacı var. 

Mürtəza
Ölkə.Az