Çində güclü yağışlar 10-dan çox insanın ölümünə səbəb oldu
Çinin cənub-qərbindəki Sıçuan əyalətinin Leşan şəhərində 2 gündür davam edən yağışlar torpaq sürüşməsinə səbəb olub.
Ölkə.az xarici KİV-ə istinadla xəbər verir ki, hadisə nəticəsində 14 nəfər ölüb.
Bölgəyə göndərilən 180-dən çox xilasedici itkin düşmüş hesab edilən 5 nəfərlə bağlı axtarış işlərini davam etdirir.
Təxminən 40 min insanın yaşadığı dağlıq bölgədə yay aylarında yağan yağışlar səbəbindən sürüşmə halları tez-tez baş verir.
Xatırladaq ki, Çinin Sıçuan əyalətində 2017-ci ildə baş verən sürüşmə nəticəsində 140-dan çox insan yerin altında qalıb.
Günay