Qırğızıstanda dövlət çevrilişinə cəhd - Saxlanılanlar var (VİDEO)
Qırğızıstanda hökumətə qarşı çevriliş planlaşdıran dəstəyə yönəlik ölkə daxilində əməliyyatlar başlayıb.
Ölkə.Az xarici KİV-ə istinadla xəbər verir ki, ölkənin müxtəlif bölgələrində keçirilən əməliyyatlar zamanı 110 əsgər və bürokrat saxlanılıb.
Qırğızıstan mətbuatı əməliyyatın görüntülərini paylaşıb.
Təhlükəsizlik qüvvələri tərəfindən saxlanılan şəxslərlə bağlı hələlik ətraflı məlumat verilməyib.
Xatırladaq ki, Qırğızıstanda tez-tez çevriliş cəhdləri və xalq hərəkatları olur. 2021-ci ildə Qırğızıstan deputatı Baktibek Çetigenov dövlət çevrilişi planlaşdırmaqda şübhəli bilinərək saxlanılıb. Bildirilirdi ki, Çetigenov və həmin vaxt “El İntimağı” Assosiasiyasının prezidenti Askat Temraliyev paytaxt Bişkekdə keçirilən etiraz aksiyaları üçün əlbir olublar. Çətigenovun sözügedən aksiyalarla hakimiyyəti ələ keçirməyi planlaşdırdığı üzə çıxıb və o, sonradan saxlanılaraq həbs edilib.
Günay
