"Uşaqlarının qatili" 20 il sonra bəraət aldı - "Ən böyük ədalət səhvi" - FOTO

2003-cü ildə Avstraliyada Ketlin Folbiq adlı qadın həbsxanaya göndərilib.

Ölkə.Az xarici mediaya istinadən xəbər verir ki, müxtəlif illərdə onun dörd azyaşlı övladının hamısı qəribə şəkildə vəfat edib.

Müstəntiqlər əmin idilər ki, ana bütün uşaqlarını o biri dünyaya göndərib.

Məhkəmə Folbiqi 40 il həbs cəzasına məhkum edib. Baxmayaraq ki, müttəhim gündəlikdə yazdıqlarına görə ittiham olunub.

Ketlin uşaqların ölümündə özünü günahlandırdığını yazıb.
 
Yalnız yeni araşdırmadan sonra ədalət bərpa olunub. İmmunoloqlar Folbiq və onun bütün uşaqlarının ümumi genetik mutasiyaya malik olduğunu müəyyən ediblər. Bu yaxınlarda aşkar edilib ki, bu, qəfil ürək dayanması və ölümcül epilepsiya ilə nəticələnir. Bu günə qədər dünyada bu mutasiyanın yalnız 135 daşıyıcısı qeydə alınıb.

55 yaşlı Folbiq artıq həbsdən azad edilib.

Mətbuat onun işini "Avstraliyadakı ən böyük ədalət səhvlərindən biri" adlandırır.