Xersonda panika: Suyun səviyyəsi çox sürətlə yüksəlir

Kaxovska bəndinin dağılmasından sonra Xersonda təxliyələrə başlanılıb. 

Ölkə.Az “Haber7com”a istinadla xəbər verir ki, Ukrayna Milli Polisinin məlumatına görə, suyun səviyyəsi çox sürətlə qalxıb.

“Xersonun ən təhlükəli bölgələrindən təxliyələr davam edir. Ruslar gecə saatlarında Kaxovkada su elektrik stansiyasının bəndini partladıblar. Onlar bütün ukraynalıları məhv etmək məqsədi daşıyan növbəti terror aktı törətdilər. Xerson patrulları hadisə yerindədir və vətəndaşların təxliyəsinə kömək edir, avtobusları müşayiət edir və hadisə yerinin təhlükəsizliyini təmin edir. Suyun səviyyəsi çox sürətlə yüksəlir”.

Ukrayna Daxili İşlər Nazirliyi indiyədək 742 nəfərin təxliyyəsinin başa çatdığını açıqlayıb:

“Bəzi yollarda su basması səbəbindən nəqliyyatda çaşqınlıq yaranıb, bəzi yaşayış məntəqələrinə getmək mümkün olmayıb. Evakuasiya qrupları başqa yollar axtarır. 80-ə yaxın yaşayış məntəqəsi potensial daşqın zonasındadır”.

Günay