Miqrantlar vağzala hücum etdi

Qatarları tərk etməkdən imtina edirlər

Ölkə.Az xəbər verir ki, Macarıstan paytaxtında iki minə yaxın qaçqın vağzaldan istifadə edə bilmədiyi üçün etiraz aksiyası keçirib.

Onlar Budapeştin dəmiryol vağzalının binasına hücum edərək qatarları silkələməyə başlayıblar. Macarıstandan Qərbi Avropa ölkələrinə getmək üçün bir müddətlik paytaxtdan hərəkət edən qatarların hərəkəti müvəqqəti dayandırılıb.

Miqrantlar artıq qatarları tamamilə doldurublar və onları tərk etməkdən imtina edirlər.

Xatırladaq ki, Macarıstan hökuməti miqrantlara görə paytaxt Budapeştin ən iri vağzallarından birini müvəqqəti olaraq bağlayıb.

Bir müddət öncə bir neçə yüz miqrant vağzal yaxınlığında yerləşən düşərgələri tərk edərək qatarlara minmişdilər. Bununla bağlı bir neçə beynəlxalq qatarların göndərilməsini dayandırmaq qərara alınıb. Macarıstanın miqrasiya hökuməti ötən həftə Serbiyadan ölkəyə bir günə 3241 qaçqının gəldiyi barədə məlumat verib. Bazar ertəsi isə Budapeştdən Vyana şəhərinə 3650 qaçqın daxil olub.

Avstriya KİV-nin məlumatına əsasən, onların böyük hissəsi buradan Almaniyaya yollanıb.

Qeyd etmək lazımdır ki, miqrantların böyük əksəriyyətinin Avropa İttifaqı ölkələrinə daxil olması üçün lazımi vizası yoxdur. Lakin miqrantların çoxluğu onlar üzərində nəzarəti çətinləşdirir.

2015-ci ilin başlanğıcından bu günə qədər, ümumilikdə, Avropa Birliyi ölkələrinə artıq 340 min miqrant gəlib.

Rəşid Mustafazadə

Ölkə.Az