Yeni Nazirlər Kabinetinin işi asan deyil - Ərdoğan

“Biz də bilirik ki, yeni Nazirlər Kabinetinin işi asan deyil”.

“Ölkə.az” “TRT Haber”ə istinadən xəbər verir ki, bunu Türkiyə Prezidenti Rəcəb Tayyib Ərdoğan yeni tərkibdə olan Nazirlər Kabinetinin ilk iclasından sonra keçirdiyi mətbuat konfransı zamanı deyib.

“Türkiyənin gələcəyi övladlarımıza qoyacağımız ən böyük miras olacaq. Kabinet üzvlərimiz təcrübə, bacarıq və səriştə baxımından türk əsrinin memarları arasında yer alacaq səriştələrə malikdir. Biz onu da bilirik ki, yeni kabinetimizin işi asan deyil. Bu çağırış yalnız öhdəsindən gəlməli olduğumuz məsələlərlə, əldə etməli olduğumuz hədəflərlə məhdudlaşmır. Söhbət qalmış mirasın daha da genişləndirilməsindən gedir. İnşallah, ölkəmizi hədəfləri ilə bir araya gətirmək üçün çox çalışacağıq”, - deyə Ərdoğan bildirib.