Ərdoğan yeni komandası ilə Təhlükəsizlik Şurasının iclasını keçirəcək

Sabah Türkiyə Prezidenti Rəcəb Tayyib Ərdoğanın sədrliyi ilə Milli Təhlükəsizlik Şurası yeni üzvlərinin iştirakı ilə ilk iclası keçiriləcək.

“Ölkə.Az” xəbər verir ki, gündəmdə Türkiyənin cənub sərhədləri, Şərqi Aralıq dənizi və Ukrayna kimi bir çox mövzu var.

Prezident Ərdoğanın sədrliyi ilə keçiriləcək toplantıya prezident müavini Cevdet Yılmaz, ədliyyə naziri Yılmaz Tunç, xarici işlər naziri Hakan Fidan, daxili işlər naziri Əli Yerlikaya, milli müdafiə naziri Yaşar Gülər, Baş Qərargah rəisi, ordu generalı Musa Avsever və güc komandirləri qatılacaq.

İclasda Şimali İraq və Suriyada həyata keçirilən terrorla mübarizə əməliyyatları başda olmaqla strateji, regional və milli təhlükəsizlik məsələlərinin, o cümlədən Şərqi Aralıq dənizində Türkiyə və KKTC-nin beynəlxalq hüquqdan irəli gələn hüquqlarının qorunması istiqamətində görülən işlər, İsveçin NATO-ya üzvlük müraciəti çərçivəsində son vəziyyətin də müzakirə ediləcəyi gözlənilir.

Toplantıda həmçinin sərhəd təhlükəsizliyi çərçivəsində həyata keçirilən fəaliyyətlərin də müzakirə ediləcəyi və PKK/KCK-PYD/YPG, FETÖ və İŞİD başda olmaqla bütün terror təşkilatlarına qarşı həyata keçirilən əməliyyatlar müzakirə olunacaq.

İclasda eyni zamanda Türkiyənin sülh səyləri, vasitəçilik və asanlaşdırma fəaliyyətləri, humanitar yardımlar və daimi atəşkəs məsələləri, xüsusilə Rusiya-Ukrayna müharibəsi və Qara dəniz taxıl dəhlizi sazişi ilə bağlı inkişafların müzakirə ediləcəyi gözlənilir.

Mürtəza
Ölkə.Az