Çin dünyanın ən güclü gəmi radarını hazırlayır

Çin dənizlərdə güc balansını dəyişdirə bilən dünyanın ən güclü radar sistemini hazırlayıb.

Ölkə.Az “Haber7com”a istinadla xəbər verir ki, inşası davam edən radar sisteminin xüsusiyyətləri Çin dilində nəşr olunan "Elektrik Maşınları və İdarəetmə" jurnalında yer alıb.

Gəminin radar sisteminin 4500 km uzaqlıqdan atılan idarə olunan raketi aşkar etmək və 3500 km məsafədə bir çox hədəfi izləmək qabiliyyətinə malik olduğu bildirilib.

Radar sistemi Çinin materikindən Avstraliyanın şimalına və ABŞ-nin Sakit Okeandakı Quam bazasına qədər uzun məsafəli aşkarlama və izləmə qabiliyyətinə malikdir. Həmçinin tədqiqatçılar bunun Çin Hərbi Dəniz Qüvvələrinə böyük üstünlük verə biləcəyini bildiriblər.

Elektrik mühərrikli yeni nəsil döyüş gəmilərində quraşdırılmaq üçün hazırlanan sistemin ilk nümunəsi artıq inşa olunub.

Mövcud texnologiya ilə əksər döyüş gəmilərindəki radarlar bir neçə yüz km məsafəyə malikdir. Buna səbəb kimi yüksək tutumlu radarların böyük miqdarda elektrik enerjisinə ehtiyacı olduğu bildirilir.

Çinli tədqiqatçılar bu problemi "aktiv fazalı massiv" adlandırdıqları yeni radar quruluşu ilə həll etdiklərini iddia edirlər.

Günay