Fransa-İran işbirliyi - Ermənistan üçün bunları edirlər - ŞOK

Yaxın vaxtlarda Parisin köməyi və rəsmi icazəsi ilə Hindistanın “Trayan” özüyeriyən silahlarının Ermənistana çatdırılmasına başlanılacaq.

Ölkə.Az xəbər verir ki, söhbət "Nexter Systems" və yerli Hindistan tərəfdaş şirkətlərinin iştirakı ilə istehsalı Hindistanda lokallaşdırılan "Sezar" özüyeriyən silahların hind analoqundan gedir.

"Caliber" yazır ki, sifariş verilən artilleriya qurğularının sayı ilə bağlı onlarda ətraflı məlumat yoxdur, lakin məlumdur ki, Fransanın erməni diasporu Fransanın hərbi-siyasi rəhbərliyinin və şəxsən Prezident Emmanuel Makronun birbaşa siyasi razılığı ilə maliyyələşməni öz üzərinə götürüb. Razılaşmanın həyata keçirilməsini gizlətmək üçün 155 mm/52 kalibrli silahların birbaşa uçuşlarla deyil, əvvəlcə İrana, daha sonra isə quru yolu ilə Ermənistana çatdırılması planlaşdırılır.
 
Fransa Ermənistana silah yeritməyə davam etmək qərarına gəlib, eyni zamanda Ermənistan-Azərbaycan danışıqlarında Moldovada beştərəfli qeyri-rəsmi söhbət formatında da olsa, hansısa “vasitəçi” rolunu oynamağa çalışır. Görünür, bundan sonra belə dialoqlar olmayacaq, çünki Kişinyovdakı uğursuzluqdan sonra Fransa İrəvana hərbi yardım etməsi barədə qərar verib. Rəsmi Bakı bunu yaxşı görür və addımlarını hesablayır.

Fransa öz hərəkətləri ilə regionu yeni hərbi eskalasiyaya sövq edir, Azərbaycan isə əl-qolunu bağlayıb gözləməyəcək.