9 il əvvəl itkin düşən gənc divarın içində tapıldı - FOTO

İspaniyada yaşayan 22 yaşlı Sibora Qaqaninin cəsədi divarın arxasındakı boşluqdan zibil torbasının içərisindən tapılıb.

Ölkə.Az “Haberler.com”a istinadla xəbər verir ki, gənc qadın 2014-cü ildə itkin düşüb.

İtaliya vətəndaşı olan Sibora 2011-ci ildə sevgilisi Romeo ilə birlikdə İspaniyanın Kosta del Sol şəhərinə köçüb. O, Romeodan ayrıldıqdan qısa müddət sonra 7 iyul 2014-cü ildə yoxa çıxıb.

Polis gənc qadının axtarışını dayandırmışdı. Lakin onun axtarışlarına sevgilisinin başqa bir qətldə şübhəli bilinərək keçən ay həbs olunmasından bir neçə gün sonra başlanılıb. Keçmiş cütlüyün mənzilində axtarış aparan polis əməkdaşları Siboranın qalıqlarını divarın arxasındakı boşluqda zibil torbasında tapıblar.

45 yaşlı şübhəli Siboranı öldürdüyünü və onun cəsədini əritmək üçün kimyəvi turşudan istifadə etdiyini etiraf edib. Siboranın şəxsiyyətinin DNT testi ilə təsdiqlənməsi üçün cəsəd Malaqadakı Məhkəmə Tibb İnstitutuna göndərilib.

Günay