Ermənilər Qarabağı kütləvi surətdə tərk edirlər - sabiq baş nazir Baqratyan

Ermənistanın Qarabağı Azərbaycanın tərkib hissəsi tanımasından sonra  orada yaşayan ermənilər çıxılmaz vəziyyətdədirlər.

“Ölkə.Az” xəbər verir ki, bunu Ermənistanın keçmiş baş naziri Qrant Baqratyan İrəvanda Azadlıq meydanında “Birgə” hərəkatının mitinqində deyib.

O çıxışında "sizə bəd xəbərim var" deyib:

“Ermənilər Qarabağı tərk etməyə hazırlaşır. Qarabağı tərk etmək üçün avtobus da ayrılıb. Qarabağdan böyük axın var”, - Baqratyan deyib.

O əlavə edib ki, proses belə davam edərsə, Rusiya sülhməramlıları tezliklə bölgəni tərk edəcəklər.

“Azərbaycanla Ermənistan arasında sülh müqaviləsi imzalandıqdan sonra Rusiya sülhməramlılarının regionda qalmasının mənası yoxdur”, - o qeyd edib.

Mürtəza
Ölkə.Az