Ankarda partlayış: 5 nəfər ölüb -YENİLƏNİB

Ankarada raket və partlayıcı fabrikində baş verən partlayışda 5 nəfər həyatını itirib.

MKE raket və partlayıcı fabriki baş verən partlayışla bağlı açıqlama verib. Bildirilir ki, hadisə nəticəsində 5 işçi həyatını itirib.

***

Bu gün Ankaranın Elmadağ səmtindəki Tatlıca rayonunda fəaliyyət göstərən MKE raket və partlayıcı maddələr fabrikinin istehsal hissəsində səhər saatlarında partlayış baş verib.

“Ölkə.Az” xəbər verir ki, partlayışın səsi ətraf yaşayış məntəqələrində eşidilib və hadisədən sonra fabrikin üzərinə tüstü qalxıb.

Hadisə yerinə çoxlu sayda polis, təcili yardım, AFAD və yanğınsöndürənlər göndərilib.
MKE yanğınsöndürmə briqadası və Ankara yanğınsöndürmə briqadası fabrik daxilində axtarış-xilasetmə işlərini davam etdirir.

Məlumata görə, partlayış nəticəsində 5 nəfər dağıntılar altında qalıb.

Mürtəza
Ölkə.Az