Baş nazir terror aktına belə reaksiya verdi

Bütün proqramını ləğv edib

Ölkə.Az xəbər verir ki, "Avro-2016"nın seçmə mərhələsində qarşılaşan Türkiyə-Hollandiya matçını izləyən Türkiyənin baş naziri Əhməd Davudoğlu Dağlıcadakı terror hücumu ilə bağlı xəbəri aldıqdan sonra stadionu erkən tərk edib.

Baş nazir bütün proqramını ləğv edərək Ankaraya qayıdıb.

Qeyd edək ki, Türkiyə millisi Hollandiyanı sınağa çəkib və görüş türklərin böyükhesablı qələbəsi ilə başa çatıb – 3:0.

Xatırladaq ki, ötən gecə Türkiyədə baş vermiş terror hadisəsi nəticəsində çoxlu sayda şəhid və yaralının olduğu bildirilir. Hakkarinin Dağlıca bölgəsində PKK terror təşkilatının üzvlərinin yola basdırdıqları mina əsgərləri daşıyan iki zirehli maşın keçərkən partlayıb.

Nəticədə şəhid və yaralıların olduğu bildirilir. Hadisə ilə bağlı Türkiyə Baş Qərargahının yaydığı açıqlamada şəhid və yaralı sayı göstərilməyib.

“Reuters” xəbər agentliyi isə terror nəticəsində 15 əsgərin şəhid olduğunu yazıb.

Məlumata görə, yola basdırılmış minanın partlaması nəticəsində Türkiyə Ordusunun iki maşını tamamilə parçalanıb.

Rəşid Mustafazadə

Ölkə.Az