Moldova Avropa Azad Ticarət Assosiasiyası ilə müqavilə imzalamaq niyyətindədir
Moldovanın Baş naziri Dorin Reçan İsveçrə və Lixtenşteynə üç günlük səfərə yollanıb. O, səfər zamanı Avropa Azad Ticarət Assosiasiyası (EFTA) ölkələri ilə azad ticarət sazişi imzalayacaq.
“Ölkə.az” xəbər verir ki, bu barədə Moldova hökumətinin mətbuat xidmətinin rəhbəri Daniel Vode bildirib.
“Baş nazir Dorin Reçan iyunun 25-26-da İsveçrə Konfederasiyasında, 26-28-də isə Lixtenşteyn Knyazlığında işgüzar səfərdə olacaq. Baş nazir Dorin Reçan və müavini Dmitri Alayba EFTA ölkələri ilə azad ticarət haqqında sazişin imzalanmasında iştirak edəcəklər”, - o, Nazirlər Kabinetinin teleqram kanalında yazıb.
