Rusiya OPEC-dən imtina etdi: \"Bizdə neft bazarı tamamilə özəlləşdirilib\"

"Rosneft"in rəhbəri Avropanı Rusiya "qara qızılının" əsas istehlakçısı adlandırıb

Ölkə.Az xəbər verir ki, "Rosneft"in başçısı İqor Seçin Sinqapurda keçirilən "FT Commodities" konfransında Rusiyanın neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan OPEC təşkilatına üzv olması ilə bağlı fikrini ifadə edib.

O qeyd edib ki, ölkəsinin OPEC-ə daxil olmasında bir məna görmür. Səbəb kimi Seçin neftin çıxarılmasındakı fərqli texnoloji üsulların olduğunu göstərib. Bundan əlavə, başçının fikrincə, Rusiyada neft bazarı, demək olar ki, tamamilə özəlləşdirilib və hökumət OPEC ölkələrində olduğu kimi nefti idarə edə bilməz.

"Rosneft"in rəhbəri Avropanı Rusiya "qara qızılının" əsas istehlakçısı adlandırıb.

Neft İxrac Edən Ölkələr Birliyi və ya qısaca OPEC neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan təşkilatdır. Bu təşkilatın üzvləri iqtisadiyyatı əsasən neftdən asılı olan dövlətlərdir.

OPEC daim fəaliyyətdə olan qeyri-hökumət təşkilatı kimi 1960-cı il sentyabr ayının 10-14-də Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela (Venesuela təşkilatın yaranması təşəbbüsünə ilk dəfə 1949-cu ildə cəhd göstərib) təşkilata daxil olub.

Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (1975-1994), Anqola (2007) qoşulub. Ekvador 1993-cü ildə ya təşkilatın üzvlük haqqını ödəyə bilmədiyindən, ya da təşkilatın qərara aldığı miqdardan daha çox neft istehsal etmək istədiyindən təşkilatdan çıxıb. 2007-ci ildə isə İndoneziya təşkilatı tərk edib.

Təşkilatın qərargahı 1965-ci ildən Vyanada yerləşir.

Rəşid Mustafazadə

Ölkə.Az