Sterliqov yenidən Qarabağa səfər edəcək

"Mənim böyük oğlanlarım var. Onlar təsərrüfatı idarə edəcək, mən isə..."

Ölkə.Az xəbər verir ki, rusiyalı iş adamı German Sterliqov yenidən Dağlıq Qarabağa səfər etməyi planlaşdırır.

"Vətənə qayıtmağımız bir daha Dağlıq Qarabağa qayıtmamağımız demək deyil. Bizim üçün bura, demək olar, doğma evdir", - deyə Sterliqov bildirib.

Onun sözlərinə əsasən, o, Qarabağ ərazisində yerli sakinlərinin dəstəyi ilə idarə edəcəyi təsərrüfat yaradıb.

"Bizim orada artıq kiçik təsərrüfatımız, dəyirmanımız var. Bundan əlavə, mənim orada yerli şəxslərdən şərikim var. Mənim böyük oğlanlarım var. Onlar təsərrüfatı idarə edəcək, mən isə ora səfərlər edəcəm", - deyə iş adamı qeyd edib.

Xatırladaq ki, German Sterliqov Azərbaycanın icazəsi olmadan Ermənistan tərəfindən işğal olunan ərazilərə səfər etdiyi üçün İnterpol vasitəsilə axtarışa verilib.

Rəşid Mustafazadə

Ölkə.Az