Avstraliya İŞİD-lə mübarizə aparacaq

"Baxmayaraq ki, əsl şər elə Əsəd rejimidir"

Ölkə.Az "The Guardian"a istinadən xəbər verir ki, Avstraliya hərbi-hava qüvvələri Suriya ərazisində fəaliyyət göstərən İŞİD terror təşkilatı üzvlərini məhv etməyə başlayacaqlar.

Avstraliya baş naziri Toni Ebbotun sözlərinə görə, Suriyada İŞİD-i məhv etmədən İraqda qalib gəlmək mümkünsüzdür. O qeyd edib ki, ölkənin hərbi qulluqçuları Bəşər Əsədlə yox, terrorizmlə mübarizə aparacaq.

"Bizim hərbçilər məhz terrorizmə qarşı olacaq. Baxmayaraq ki, əsl şər elə Əsəd rejimidir", - deyə Ebbot əlavə edib.

İraq Şam İslam Dövləti (İŞİD) İraq və Suriya ərazisində fəaliyyət göstərən silahlı paramilitar qruplaşmadır. İŞİD 3 yanvar 2014-cü il tarixində müstəqilliyini, 29 iyun 2014-cü il tarixində isə yeni xilafət yarandığını elan etmiş tanınmamış dövlət hesab olunur.

Rəşid Mustafazadə

Ölkə.Az