Alimlər dua etməyin faydalı olduğunu sübut etdi

Hətta iman gətirməyən üçün də fayda verə bilər

Ölkə.Az-ın xarici mətbuata istinadən verdiyi xəbərə əsasən, alimlər dua etməyin insan sağlamlığına faydalı olduğunu isbat ediblər.

Mütəxəssislər hesab edir ki, bəzi hallarda dua xəstə insanın sağalmasına müsbət təsir edir. Onların fikrincə, dua hətta iman gətirməyən üçün də fayda verə bilər. Lakin dünyada olan alimlərin dua ilə bağlı fikirləri müxtəlifdir. ABŞ alimləri geniş şəkildə dua terapiyasını tətbiq etməyə davam edirlər. İtaliya və İngiltərə mütəxəssisləri bu üsulu sərt şəkildə tənqid edirlər.

İndiana universitetinin Dinlərin öyrənilməsi departamentindən olan alimlər komandası maraqlı təcrübə keçirib və Mozambikin kənd rayonlarında bunun müsbət nəticələr verdiyini üzə çıxarıblar.

Xatırladaq ki, islam dinində də dualar xüsusi yerə malikdir. Namaz islam dininin sütunlarından biridir və 5 şərtindən 2-cisidir.

Şəriətə görə, müsəlmanlar gündə beş vaxt vacib namazı qılmalıdırlar:

Sübh namazı - Sübh namazı 2 rükətdir. Vaxtı dan yeri söküləndən günəş çıxana qədərdir.
Zöhr namazı - Zöhr namazı 4 rükətdir. Vaxtı günəş zeniti keçdikdən sonra hər şeyin kölgəsi özü boyda olana qədər davam edir.
Əsr namazı - Əsr namazı 4 rükətdir. Vaxtı hər şeyin kölgəsi özü boyda olandan günəş batana qədər davam edir.
Məğrib namazı - Məğrib namazı 3 rükətdir. Vaxtı günəş batandan şəfəq itənə qədər davam edir.
İşa namazı - İşa namazı 4 rükətdir. Vaxtı şəfəq itəndən gecə yarısına qədər davam edir.

Ölkə.Az