Homoseksualları evləndirməyən məmurla bağlı qərar verildi

Onun məhkəməsi ölkədə diqqətlə izlənilirdi

Ölkə.Az xəbər verir ki, ABŞ-da homoseksualları evləndirməkdən imtina edən məmur həbsxanadan azad edilib.

Hakim Kim Devis adlı qadının azadlığa buraxılması barədə qərar qəbul edib. Onun məhkəməsi ölkədə diqqətlə izlənilirdi.

ABŞ Federal məhkəməsi Kentukki ştatında eynicinsli nikahı qeydiyyata almaqdan imtina edən Kim Devis adlı məmurun həbs olunması barədə qərar qəbul etmişdi.

Məmur bildirib ki, dini baxışlarına görə nikahı qeydiyyata ala bilməyib. O, bu addımına görə işdən azad edilib. Sonra isə məhkəmə bəyan edib ki, Devis bu hərəkəti ilə məhkəməyə qarşı hörmətsizlik nümayiş etdirib və məsələnin aydınlaşdırılmasına qədər həbsdə qalacaq.

Xatırladaq ki, ABŞ-ın Ali Məhkəməsi 26 iyunda bütün ölkə ərazisində eynicinsli nikahları leqallaşdırıb. Əvvəllər bu cür nikahlara ABŞ-ın 50 ştatından 37-də rəsmi icazə verilirdi.

Ölkə.Az