Macar jurnalistin qaçqınlara qarşı bu hərəkəti dünyanı şoka saldı

#petralazslo haştaqı altında müxtəlif paylaşımlar edirlər

Ölkə.Az xarici mediaya istinadən xəbər verir ki, Macarıstanın N1TV televiziya kanalının müxbiri Petra Lazlonun əlində uşaq olan və polisdən qaçan qeyri-qanuni mühacirə qarşı kobud hərəkətlərini əks etdirən kadrların yayılmasından sonra işdən qovulub.

Məlumata görə, çəkilişlər Macarıstanın cənubunda qaçqınlar üçün düşərgənin təşkil edildiyi Rojke adlı yerdə aparılıb.

N1TV şirkətin Lazlonun davranışını yolverilməz adlandırıblar və müxbirin artıq onlarda işləmədiyini bəyan ediblər.

Sosial şəbəkələrdə isə həmin jurnalistə qarşı kampaniyaya start verilib. İstifadəçilər #petralazslo haştaqı altında müxtəlif paylaşımlar edirlər.

Dünyanı şoka salan kadrarı təqdim edirik:

Qeyd edək ki, gələn həftənin sonuna qədər Macarıstana 40 min miqrant daxil olacaq.

Bu barədə BMT-nin Qaçqınlar üzrə agentliyin Avropa şöbəsinin direktoru Vinsent Koçetel məlumat yayıb. O, hökuməti qaçqınların qeydiyyata alınması proseslərini sadələşdirməyə və onlara lazım olan avadanlıq, əşyaları təqdim etməyi çağırıb.

2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az