Mühacirlərə görə Şengen vizası dəyişəcək?

"Yaxın Şərq və Şimali Afrikadan qaçqınların Avropa İttifaqı ölkələrinə kütləvi axınına görə Şengen vizasına heç bir dəyişiklik edilməyəcək"

Ölkə.Az xəbər verir ki, bu fikirləri Avropa Komissiyasının sədri Jan Klod Yunker Strasburqda Avropa parlamentinin plenar iclasında çıxışı zamanı ifadə edib.

"Mənim komissiyamın mandatlığı dövründə Şengen sisteminə dəyişiklik edilməyəcək", - deyə Yunker bildirib.

Bununla yanaşı, Yunker Avropa İttifaqı ölkələrinin xarici sərhədlərinin idarə edilməsinin yaxşılaşdırılmasına ehtiyac olduğunu deyib. Bir müddət öncə Yunker rəsmi şəkildə Aİ ölkələrinə yaxın iki il ərzində Yaxın Şərq və Afrikadan 160 min qaçqın qəbul etməyi təklif etmişdi.

Şengen sazişi barədə razılaşma Lüksemburqun Fransa, Almaniya və Lüksemburq ilə sərhəddə yerləşən Şengen şəhərində imzalanıb.

O zamandan bu günə az vaxt keçməyib və 2007-ci ilin sonunda Şengen sazişi 30 dövlət tərəfindən imzalanıb. Lakin faktiki olaraq sərhəd nəzarətinin ləğv edilməsi 25 ölkədə fəaliyyət göstərir. Bu ölkələrə Avstriya, Macarıstan, Almaniya, İspaniya, İslandiya, İtaliya, Latviya, Lüksemburq, Malta, Yunanıstan, Hollandiya, Belçika, Danimarka, Norveç, İsveç, Polşa, Portuqaliya, Slovakiya, Sloveniya, Fransa, Finlandiya, Çexiya, İsveçrə, Litva və Estoniya daxildir. Bütün bu ölkələr Şengen zonasını əmələ gətirir.

2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az