Xamenei İsraili təhdid etdi

"Biz qapını bağladıq ki, onlar pəncərədən içəri girsinlər"

Ölkə.Az-ın xəbərinə görə, İran İslam Respublikasının ali dini lideri Ayətullah Əli Xamenei bəyan edib ki, İsrail bir dövlət olaraq 25 ildən çox yaşamayacaq.

Bundan əlavə, Ayətullah ABŞ-ı böyük şeytan adlandırıb.

"İranda elələri var ki, amerika şeytanını mələk cildinə salmaq istəyir. Biz qapını bağladıq ki, onlar pəncərədən içəri girsinlər", - deyə lider bildirib.

Xatırladaq ki, iyul ayında Vyanada İran ilə altılıq ölkələri arasında aparılan danışıqlarda ötən gün razılaşma əldə olunub. Bu razılaşmaya görə, İran daxilində nüvə obyektlərinin təftişi - BMT inspektorlarına hərbi obyektləri təftiş etməyə icazə verilə bilər, amma bu avtomatik olmaya bilər.

İran razılaşır ki, əgər razılaşmanı pozarsa, sanksiyalar 65 gün ərzində bərpa oluna bilər. Bundan başqa, BMT-nin silah embarqosu və raket sanksiyaları 5-8 il ərzində qüvvəsində qalacaq.

İran ilə altılıq ölkələri arasında əldə olunan bu razılaşma dünyada birmənalı qarşılanmayıb. Bir çox ölkə İranla "altılıq" arasında əldə olunan razılığı dəstəkləsə də, digərləri tənqid edir.

Rəşid Mustafazadə

Ölkə.Az