ABŞ kəşfiyyatı: \"Suriya və İraq parçalanacaq\"

Hər iki ölkələrin hökumətləri dövlət sərhədlərindəki vəziyyətə nəzarət edə bilmirlər.

Ölkə.Az xəbər verir ki, ABŞ Mərkəzi Kəşfiyyat İdarəsinin başçısı Con Brennan İraq və Suriyanın parçalanacağını bəyan edib.

O qeyd edib ki, hər iki ölkələrin hökumətləri dövlət sərhədlərindəki vəziyyətə nəzarət edə bilmirlər.

ABŞ Müdafiə nazirliyinin kəşfiyyat idarəsinin rəisi general-leytenant Vinsent Stüartın sözlərinə əsasən, gələcəkdə Suriya 2-3 hissəyə dağıla bilər. O bildirib ki, bu cür ssenari gələcək üçün ən real görünən olsa da, ABŞ-ın siyasət dairəsindən kənardır.

Con Brennan isə qeyd edib ki, İraq və Suriya hökumətləri İŞİD terror təşkilatının sərhədlərinin keçdiyi dövlət sərhədlərini qorumaq iqtidarında deyillər.

Brennan əminliklə vurğulayır ki, yaxın 10-20 ildə Yaxın Şərq tamamilə dəyişə və tanınmaz hala düşə bilər.

Rəşid Mustafazadə

Ölkə.Az