Ermənistanda \"Talana yox!\" davam edir - saxlanılanlar var

Saxlanılanlar azadlığa buraxılıb

Ölkə.Az xəbər verir ki, bu gün səhər saatlarında İrəvanın mərkəzində elektrik enerjisinin qiymətinin qalxmasına qarşı təşkil edilən "Talana yox!" etiraz mitinqindən sonra saxlanılan 50-yə yaxın mitinq iştirakçısı azadlığa buraxılıb.

Xatırladaq ki, elektrik enerjisinin qiymətinin qalxması barədə qərar bu ilin 1 avqustunda qüvvəyə minmişdi. Bundan sonra 3 həftə davam edən genişmiqyaslı etiraz aksiyaları təşkil edilmişdi.

Məhz bu məsələ bir neçə gün öncə baş tutmuş Putin-Sarkisyan görüşünün əsas mövzularından birinə çevrilmişdi.

***************************************

50-yə yaxın adam saxlanılıb.

Ölkə.Az xəbər verir ki, İrəvanın mərkəzində elektrik enerjisinin qiymətinin qalxmasına qarşı təşkil edilən "Talana yox!" etiraz mitinqindən sonra təxminən 50-yə yaxın aksiya iştirakçısı saxlanılıb.

Ermənistan polisinin mətbuat katibi Aşot Aqaronyan bildirib ki, 48 nəfər İrəvanın müxtəlif polis idarələrinə çatdırılıb və onlara qarşı administrativ qayda pozuntusuna dair akt tərtib edilir.

Polisin marşal Baqramyan prospektini aksiyanın dayandırılmasına verilən vaxtın bitməsindən yarım saat sonra təmizlədiyi bildirilmişdi.

Hüquq-mühafizə orqanları əməkdaşları mitinqə çıxanları həbs edirlər.

Rəşid Mustafazadə

Ölkə.Az