Dəmirtaş sülhdən danışdı: \"Ankara əməliyyatları dayandırmalıdır...\"
"Qarşılıqlı olaraq silahları susdurmağa və sülh danışıqlarına başlamağa hazır olduqlarını deyiblər"
Ölkə.Az xəbər verir ki, Türkiyənin Xalqların Demokratik Partiyasının (HDP) lideri Səlahəddin Dəmirtaş tərəflərin tez bir zamanda sülh danışıqlarına başlamalarına ehtiyac olduğunu bəyan edib.
"Artıq sülh barədə çağırışlarımıza Kürdüstan Topluluqlar Birliyindən müsbət cavablar almışıq və onlar da qarşılıqlı olaraq silahları susdurmağa və sülh danışıqlarına başlamağa hazır olduqlarını deyiblər. Rəsmi Ankaranın öhdəsinə düşən isə yalnız əməliyyatların dayandırılmasıdır", - deyə Dəmirtaş çıxış edərkən bildirib.
Qeyd edək ki, Kürdüstan Topluluqlar Birliyindən PKK-nın üst qanadı hesab edilir.
Sentyabrın 6-da Haqqari vilayətinin Dağlıca kəndində basdırılan partlayıcının işə düşməsi nəticəsində 16 hərbçi şəhid olub, 6 nəfər yaralanıb. Hazırda Türkiyə Silahlı Qüvvələri bölgədə geniş miqyaslı antiterror əməliyyatları aparır.
Rəşid Mustafazadə
Ölkə.Az
