Obama çinlilərdən qorxdu
Barak Obama bu dəfə Nyu-Yorka gedərkən başqa oteldə qalacaq.
ABŞ başçıları 1929-cu ildən bəri ənənəvi olaraq, Nyu-Yorka getdikləri zaman Valdorf Astoriya otelində qalıblar. Lakin ötən il həmin oteli Çin əsilli bir iş adamı alıb. Buna görə də, artıq Ağ Ev sakinləri Nyu-Yorka getdikləri zaman başqa bir yerdə qalacaqlar.
Buna səbəb isə, amerikalıların Çinlilər tərəfindən otelin otaqlarına kiçik kameraların yerləşdirilməsindən ehtiyat etmələridir.
Sentyabrın 16-da Nyu-Yorkda BMT Baş Assambleyasının konfransı keçiriləcək. Burada ABŞ prezidenti Barak Obama da iştirak edəcək. Lakin bu dəfə onun Valdorf Astoriya otelində deyil, başqa bir oteldə qalacağı deyilir. Amma prezidentin qonaq olacağı məkan hələ açıqlanmır.
Valdorf Astoriya oteli 2007-ci ildə tikilib. Rəsmi görüşlərin məkanı olan bu otel keçən ildən "Anbang İnsurance Group" rəhbəri, çinli bir biznesmen tərəfindən 1.95 milyard dollara alınıb. Otel 47 mərtəbədən, 1413 otaqdan ibarətdir. Bağlanmış Hilton müqaviləsinə əsasən, idarəetmə adı çəkilən şirkətə 100 illik etibar edilib. (ans)
Ölkə.Az
