Aİ və BMT prezidenti azad etməyə çağırdı

Təşkilatlardan müraciət

Ölkə.Az xəbər verir ki, Avropa İttifaqı və BMT şəxsi mühafizəsi tərəfindən həbs olunmuş Burkina-Fasonun müvəqqəti prezidenti Mişel Kafandonun azad edilməsini tələb edib.

BMT Baş katibi Pan Gi Munun fikrincə, baş verənlər ölkə konstitusiyasını ciddi şəkildə pozur. Aİ-nin bəyanatında deyilir ki, təşkilatçılar girov saxlanılan şəxslərin sağlamlığına görə məsuliyyət daşıyır.

Burkina-Fasoda ölkə başçısı vəzifələrini icra edən Mişel Kafondo şəxsi mühafizəsi tərəfindən həbs olunub. Bundan əlavə, ölkə hökumətinin nümayəndələri və baş nazir də həbs olunanlar sırasındadır. Onlar Nazirlər kabinetinin iclası zamanı qandallanıblar. Hərbçilər hər hansı təklif irəli sürməyiblər.

Bir müddət öncə müvəqqəti hökumət prezident mühafizəsinin buraxılması təklifi ilə çıxış etmişdilər.

Ölkədə oktyabrda seçkilərin keçirilməsi planlaşdırılırdı.

Ölkə.Az